ភ្នំពេញ៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជា លោក អ៊ិត សំហេង បាននាំភរិយា និងក្រុមគ្រួសារមកចូលរួមបោះឆ្នោតនាព្រឹកថ្ងៃទី២៣ ខែកក្កដា នៅមណ្ឌលវិទ្យាល័យ ជា ស៊ីម បឹងកេងកង រាជធានីភ្នំពេញ។
លោក អ៊ិត សំហេង បានសរសេរនៅក្នុងគណនីហ្វេសប៊ុករបស់លោកដូច្នេះថា៖«ខ្ញុំនិងភរិយាព្រមទាំងក្រុមគ្រួសារបានបោះឆ្នោតរួចហើយ។ សូមគោរពអញ្ជើញបងប្អូនប្រជាពលរដ្ឋទៅបោះឆ្នោតគ្រប់ៗគ្នា ដើម្បីលិទ្ធលិទ្ធិប្រជាធិប្បតេយ្យ សន្តិភាពនិងអភិវឌ្ឍន៍ប្រទេសជាតិ»។
គិតត្រឹមម៉ោងជិត១២ មានពលរដ្ឋជាង៤,២លាននាក់បានអញ្ជើញទៅបោះឆ្នោតនៅតាមការិយាល័យបោះឆ្នោតសរុបទូទាំងប្រទេសចំនួន២៣ ៧៨៩៕
